لا يا أخي العزيز مش بتتكلم طلياني ولا حاجة .. بس علي ما أظن إن كبار الأعضاء فعلاً مشغولين بتجهيز مناحلهم علشان الموسم . اسال الله ان يرزقهم ويرزقك ويبارك لكم جميعاً وهاجوبك علي قدر معلوماتي الضئيلة وربنا ينفعنا وإياك.. طبعا إنت سؤالك جاي متأخر شوية لأنك المفروض كنت بدأت التجهيز من شهر فبراير . الأول لازم تتأكد ان كل الملكات في منحلك تقوم بوضع البيض بوفرة والملكات المريضة لازم تتخلص منها وتستدبلها بغيرها إذا كان عندك ملكات جاهزة. لأن كل البيض اللي هتحطه الملكات في الشهر ده هو الجيش اللي هيطلع يجيب العسل ان شاء الله .. ولازم تقوم بتشجيع الملكات لوضع البيض عن طريق التغذية المتتالية بنسبة 1 سكر الي 1 ماء مع بعض الاضافات زي اللبن المنزوع الدسم والليمون وشيخ البابونج وعصير البرتقال مع قشره كلاً علي حدي بس متنساش آخر تغذيتين يبقوا ماء وسكر فقط بدون اضافات علشان الريحة متفضلش في البراويز .. وجهز البراويز الخشب علشان الشمع الاساس اللي هتحطه ان شاء الله ومتنساش توسع فتحة باب الخلية في بداية شهر مايو وتحط مظلات للشمس علشان الحر بيقلل انتاج النحل . وربنا يكرمك ويباركلك وسامحني لاني معرفش اكتر من كده